BR LA UNION – Agtalinaed a suspendido ti klase iti amin a tukad ti pagadalan ken trabaho iti amin nga opisina ti gobyerno iti intero a probinsya ti La Union ita nga aldaw ti Miyerkoles, Agosto 5, 2026.
Maiyannurot daytoy iti impaulog nga Executive Order No. 42 ti Provincial Government of La Union agsipudta namnamaen ti agtultuloy a pannakapadas ti napigsa a panagtudtudo, a gubwayen ti bagyo Maymay ken ti pimmigsa nga habagat wenno southwest monsoon.
Maibasar iti weather advisory no. 13 ti state weather bureau, namnamaen ti napigsa agingga nakaru a panagtudo ditoy probinsiya ita nga aldaw, Agosto 5 agingga inton bigat, Agosto 6.
Gaputi agtultuloy a panagtudo na, nangato ti posibilidad ti panaglayos ken landslide, nangruna kadagiti nababa a lugar ken landslide prone areas.
Mainaig ti daytoy, nakasagana ti Provincial Government of La Union a tumulong kadagiti pamilya a nagbakwit manipud iti pagtaenganda partikular dagiti umili nga agnanaed nga asideg iti kabaybayan ken dadduma pay a lugar nga apektado iti napigsa a tudo ken angin.
Segun kenni John Martin, Information Officer ti Provincial Government of La Union (PGLU), maki-koordinar laeng dagiti umili nga agkasapulan iti tulong iti masakopan da a Local Government Unit (LGUs) wenno iti Municipal Social Welfare and Development Office (MSWDO) tapno maipaayan dagitoy ti tulong ken serbisyo ita a panawen ti kalamidad.
