Pinasingkedan ti Bureau of Immigration a nakasublin ditoy Pilipinas ni sigud a Department of Public Works an Highways Secretary Manuel Bonoan manipud idiay Taipei, Taiwan.
Kenuna ti ahensia a simmangpet ni Bonoan idiay Ninoy Aquino International Airport idi kalman, Enero 18 a nakalugan ti China Airlines.
Dagos nga impakaammo daytoy ni Immigration Commissioner Joel Anthony Viado iti Department of Justice para kadagiti agtultuloy nga addang iti panagtalanta kadagiti isyu maipapan ti maanomalya a flood control project.
Awan met iti kadua ti sigud a sekratario a nagawid ditoy pagilian.
Karaman ni Bonoan iti Lookout Bulletin Order ti Bureau of Immigration kas maiyannurot iti pammilin ti Department of Justice gapu kadagiti isyu a mangiramraman kenkuana.
Namnamaen ti Independent Commission on Infrastructure nga iti panagsubli ti opisial ket makatulong isuna kadagiti imbestigasyon.
Immunan nga inrekomenda ti komision iti panangipila kadagiti kaso a kriminal ken administratibo kontra kenkuana mainaig iti ₱95 million a gatad dagiti flood control projects idiay Bocaue, Bulacan.###
