BR LA UNION – Saan a makalusot iti imbestigasyon iti kaso ti peke aDILG Secretary Jonvic Remulla, panagmula iti ebidensiya ken pannakapukaw ti 990 a kilo ti mapapati a shabu idi 2022 sadiay Tondo Manila a nakairamanan dagiti pulis.
Segun kenni DILG Secretary Jonvic Remulla, uray ni sigud a PNP Chief Rodolfo Azurin a nangidaulo iti pulisya ti nasao a tawen ket karaman kadagiti maimbestigaran.
Segun kenni Remulla, adda posibilidad nga adda ti panagkukumplot dagiti karaman a pulis, pakairamanan ti naikkat a ni Police Master Sergeant Rodolfo Mayo Jr. a sigud nga staff member ti PNP Drug Enforcement Group
Immuna a naipadamag nga imbilin ti korte ti pannakaarestar dagiti 29 a pulis, agraman ti 2 a heneral.
Sumango dagitoy iti agtutuon a kaso.
Kinuna pay ni Remulla nga adda isagsagana ti DOJ ti non-bailable case kontra kadakuada.
Segun kenni Remulla, impasigurado kenkuana ni PNP Chief PGen Rommel Francisco Marbil nga iti uneg ita a lawas ket maaresto ti amin nga addaan ti arrest warrant.
Kabayatanna, nagpanawagan ni Remulla kadagiti pulis a surotenda ti sinapataanda a pagrebbengan a salakniban dagiti umili a Pilipino.
Inkari ti DILG Secretary a saan a kas iti sigud nga administrasyon ti taray ti kampanya kontra iti illegal a droga.
Ita kunana ket awan ti mapasamak nga ti extra judicial killings, awan ti inosente a mairaman, panagimula iti ebidensiya ken gunggona para iti promosyon.
