LA UNION – Nagun-od met laengen iti pamilya ti napapatay a mister ti hustisya kalpasan a nasentensyaan ti Reclusion Perpetua ti suspek a ni Lorenzo Mendoza, residente iti Barangay Pias, siudad ti San Fernando, La Union.
Mainaeg daytoy iti impaulog a desisyon ni Judge Asuncion Manias ti Regional Trial Court Branch 29 no sadino nagbalin a biktima idi ni Mark Brian Domini.
Iti pannakiuman kenni Ronadette asawa ti biktima nagyaman daytoy kadagiti amin a timmulong ken nangikararag tapno magun-od da ti hustisya.
Segun pay kenkuana, nupay nasakit iti rikna na iti suspek ket nagtultuloy latta ti laban da para iti asawa na.
Iti sabali a bangir, napalaos met ti panagyaman ni Romeo Villanueva ama ni Ronadette a naan-anay a naipama kadakuada ti hustisya para iti pannakpapatay ti manugang na.
Naglibakan met ti suspek ti akusasyon kenkuana.
Kabayatan na, agtaltalinaed pay laeng ti suspek iti San Fernando City Jail bayat a maur-uray ti commitment order ti korte ken nabilin daytoy nga agbayad ti P3.1 milyon pesos a danyos iti biktima.
