Nagbalinen a Tropical Depression iti mabanbantayan a Low Pressure Area iti Daya Amianan-a-Daya ti Extreme Northern Luzon.
Maibasar iti Tropical Cyclone Bulletin #1 nga inruar ti Philippine Atmospheric, Geophysical and Astronomical Services Administration itay alas-11 ti bigat, nababa iti posibilidad a mangapektar ti bagyo iti pagilian ken iti kondisyon ti kabaybayan.
Tumtumbuken ti Tropical Depression Kiko iti Amianan a direksion wenno Amianan Amianan-a-Laud iti sumaruno a 24 oras ken agturong iti Southern Japan.
Manamnama met a pumartak iti garaw na ken rumuar iti Philippine Area of Responsibility inton malem, ken agbalin a tropical storm inton rabii wenno inton bigat, Setyembre 4.
Kabayatanna, naudi a nasaripatpatan iti bagyo iti kaadayo a 1,170 km Daya Amianan-a-Daya ti Extreme Northern Luzon.
Kabuyog na iti angin a dumanon ti 55 km/h asideg iti sentro ken kapegges a dumanon ti agingana 70 km/h.
Dupdupagen na iti Amianan Amianan-a-Laud iti kapaspas a 15 km/h.
Iti agdama, awan ti nakaibayog a tropical Wind signal.###
