Inanunsiyo ni US President Donald Trump a maaddaan da ti dakkel a trade deal iti Japan.
Segun kenni Trump, imanugot iti Japan nga aginvest ti $550 bilyon iti US ken mapatawan ti 15% dagiti produkto a mailako idiay America.
Iti nasao a taripa ket nababbaba maiyarig iti 25 percentage nga immunan nga imballaag ni Trump iti Japan.
Ibilbilang met ni Trump daytoy kas kadakkelan a trade deal iti pakasaritaan ti Japan ken Estados Unidos.
Tinagiragsak met ni Japanese Prime Minister Shigeru Ishiba iti anunsyo ti US President agsipud ta daytoy iti kababaan a taripa nga impataw ti US.
Inlawlawag ni Ishiba nga iti katulagan ket saan a karaman iti aniaman a panagkissay ti taripa iti dasig ti Japan.
Maipalagip nga imbaga ni Trump nga iti panangipataw dagiti taripa ket agbalin nga epektibo inton Agosto 1.#
