Nagballaag ni U.S. President Donald Trump a puntiryaen ti Estados Unidos dagiti planta ti kuryente ken rangtay idiay Iran inton bigat, aldaw ti Martes, no saan a maluktan iti Strait of Hormuz.
Iti maysa nga online post, kenuna ni Trump nga agsabay iti panagatake daytoy kadagiti napateg nga imprastraktura ti Iran.
Impaganetgetna nga agtaltalinaed a sarado iti nasao a dalan kalpasan ti nasurok maysa a bulan a tensyon ken dagiti panagraut ti Estados Unidos.
Nagballaag met ti U.S. President a sumango kano ti nadagsen a dusa iti Iran no saan daytoy nga aggunay.
Kabayatanna, impadamag ni Trump a mangisayangkat isuna ti press conference ita nga aldaw kalpasan a naisalakan ti US military dagiti dua a piloto ti nagsuwek nga eroplano idiay Iran.###
