BR LA UNION – Simrek manen iti Philippine Area of Responsibility (PAR) iti bagyo Bising.
Pimmigsa ti bagyo Bising bayat a sumsumrek iti Northwestern boundary ti PAR.
Maibasar iti 11:00 pm Tropical Cyclone Bulletin Nr. 5 ti DOST-PAGASA, iti sentro ti Typhoon Bising ket nasaripatpatan iti kaadayu a 335 amianan-a-laud ti Itbayat , Batanes (OUTSIDE PAR).
Kabuyog na iti kapigsa ti angin a 150 kilometro kada oras asideg iti sentro ken kapegges a dumanon iti 185 kilometro kada oras.
Dup-dupagenna iti amianan-a-padaya iti kapartak a 20 kilometro kada oras.
Nakabayog ti Tropical Cyclone Wind Signal No. 1 idiay Batanes ken makapadas ti nasao a lugar iti napigsa a panagtudo ken angin.
Nupay kasta, mapatta-patta a rumwar met laeng iti northern boundary ti PAR ita nga agsapa ti Lunes.
Kabayatanna, maibasar iti Weather Advisory No. 3 makapadas iti 50-100 rainfall ita nga aldaw ti Lunes, Hulyo 7, iti Ilocos Norte, Ilocos Sur, La Union, Pangasinan, Zambales, ken Bataan.
Nangipaulog pay ti state weather bureau ti Gale Warning iti seaboard ti Extreme Northern Luzon, kaipapanan a peligro para kadagiti naka-bangka a mangngalap ken amin a klase ti motorbancas.
