LA UNION – Nagsagaba ti dunor iti muging ken likod a paset ti ulo iti estudyante a nasarakan a naiwalang iti nasamek a lugar idiay Barangay Quirino, Bacnotan, La Union.
Malaksid dayta, nakakita pay dagiti kameng ti SOCO team manipud Regional Forensic Unit 1 nga indaulwan ni PLT. Elmer Dilan, iti tallo a bagsol iti akin-kannawan a luppo ti biktima babaen ti mapapati nga icepick.
Nabigbig ti biktima a ni Mark Dave Galario Valdez, 21 years old, Engineering Student ti University of Cordilleras ken residente ti Brgy. Alipangpang, Pozorrubio, Pangasinan.
Maipalagip nga idi bigat ti Martes agarop alas 7:58, Hulyo 2, ket nakita iti maysa a managan Hermin Pascual Geronimo, 56-anyos, truck driver ken residente ti Aritao Nueva Vizcaya, iti nasao a bangkay idi mapan koma umisbo daytoy.
Ni Dr. Andy William Mendoza, agdama a Municipal Health Officer ti Bacnotan Municipal Health Office, iti nangideklara a dead on the spot iti biktima.
Insingasing na a maipasidong ti bangkay iti autopsy tapno maamwan nu kaatnu ken kasatnu a natay iti biktima.
