LA UNION – Tarigagay iti agladladingit ita a pamilya ni Breanna Patricia Jonson wenno Bree Jonson, a maamwan iti pudpudno a nakatayan ti ubing nga artists babaen iti panangipasidong ti autopsy ti bangkay daytoy.
Naamwan a simmangpet ditoy Pilipinas idi kalman, Lunes, iti ina ni Bree a ni Sally manipud Canada kalpasan a naawat na iti damag a natayen ti anak na.
Kayat ni Sally a maipasidong a dagus iti autopsy ti bangkay ti anak na, ngem nadismaya iti damag a ma-delay daytoy iti tallo nga aldaw, sakbay a maipursige iti autopsiya.
Kas panagtungpal iti maipatpatungpal a health protocol, naipasidong iti lima-aldaw a mandatory quarantine ni Sally sakbay a makita na iti bangkay ti anak na, nga iti agdama ket adda iti maysa a morgue ti ospital ditoy San Fernando City, La Union.
Kabayatanna, plano met iti ama ni Bree ken sigud nga asawa ni Sally, a kaswan iti boyfriend ti anak na a nabigbig iti nagan a Julian Ongpin, a makunkuna nga anak iti bilyonaryo a ni Roberto Ongpin.
Ni Ongpin iti kadwa ti 30-anyos nga artist, a nagturong ken nagdagus iti maysa nga hotel idiay San Juan La Union.
Maipalagip a nasarakan laengen nga awan ti puot na iti biktima (unconscious) iti uneg ti kuwarto idi Sabado, Setyembre 18.
Base iti inisyal nga imbestigasyon ti San Juan Police, maipagarop nga adda nasarakan a cocaine iti uneg ti nasao a kuwarto.
Kabayatanna, ni Ongpin ket naimbitaran iti cuerpo ti pulisiya idi naireport ti insidente, ngem napalubosan met laeng daytoy.
Plano ni Sally a mangisayangkat ti dua-aldaw a lamay idiay Quezon City sakbay nga iyawid iti bangkay ti anak na iti lugar da idiay Davao.
