LA UNION – Dagus met laeng a naipasidong iti Explosive and Ordnance Division (EOD) ti Police Regional Office-1 ti maysa a vintage bomb a nasarakan idiay ili ti Agoo.
Immuna iti daytoy, nakita ti managan Eduardo Fangen, 35-anyos, residente iti Barangay San Antonio ti nasao a vntage bomb iti uneg ti balayda bayat nga agkalkali iti daga para iti pannakatarimaan ti banyo dagitoy.
Dagusna met nga impakaammo iti barangay kapitan a nangayab kadagiti otoridad.
Naduktalan a maysa a 60mm mortar ti nasao a bomba a dagus nga inkustodia dagiti otoridad.
