Inadmitir ni Bise Presidente Sara Duterte a naminsan imbagana ken ni Senador Imee Marcos a kalienna ti bangkay ni dati a Presidente Ferdinand Marcos Senior no saan nga agsardeng ti kampo ni Marcos.
Mainaig daytoy kadagiti isyu a maibatbato iti bise presidente dagiti alyado ni Presidente Ferdinand “Bongbong” Marcos Junior.
Kinuna ti bise presidente, maysa nga aldaw ket mapan isuna idiay Libingan ng mga Bayani tapno kalien ti dati a presidente.
Panggepna nga alaen ti bangkay ti sigud a Presidente ken ibellengna idiay West Philippine Sea.
Maipalagip nga impatabon ni sigud a Presidente Rodrigo Duterte ni Marcos Senior idiay Libingan ng mga Bayani, iti laksid ti panagkontra ti sumagmamano a grupo.
