Inpadamag ti Department of Labor and Employment (DOLE) iti kabaruan a panagngato ti sahod para kadagiti mangmangged iti National Capital Region (NCR).
Segun kenni DOLE Secretary Francis Tolentino, maaddaan ti pakabuklan nga ₱85 iti mainayon iti inaldaw a minimum wage dagiti mangmangged idiay Metro Manila. Agbenepisiar ditoy ti mapatta-patta 1.1 million nga empleyado.
Manipud iti agdama a ₱695 nga inaldaw a sueldo para kagiti non-agricultural workers, ngumato daytoy ti ₱780 tunggal aldaw.
Maipatungpal iti wage increase iti dua a tranche. Ti umuna a ₱60 ket epektibo inton Hulyo 19, bayat nga iti nabatbati a ₱25 ket maipatungpal met inton Enero 20, 2027.###
