LA UNION – Agladladingit iti pamilya ti maysa a senior citizen gaputi pannakatay daytoy iti napasamak a panagdinnungpar ti maysa a pampasahero a traysikel ken maysa a kotse.
Napasamak ti aksidente agarop alas 8:35 ti bigat kalman iti intersection ti bypass road a sakupen ti Brgy. Lubing San Juan, La Union.
Maibasar iti police report, iti biktima ket agtawen ti 74, bayat a dagit nadundunor ket agtawen ti 64 ken ti tricycle driver ket agtawen ti 37, agpapada a residente ti Barangay Casilagan ti nasao nga ili.
Iti respondent driver ti kotse ket maysa a kameng ti Philippine Coastguard, agtawen 44, agnanaed ti Brgy. General Prim West, Bangar,La Union.
Agpar-parang iti imbestigasyon dagiti ototirad, a ti kotse ket dumaldalyasat iti kalsada agturong ti abagatan a direksiyon bayat a ti traysikel ket dumaldalyasat met agturong iti laud a direksiyon.
Idi kellaat a nadungpar ti kotse ti traysikel iti southbound inner lane rason ti pannakaipurwak ti traysikel.
Iti kapigsa ti impact ti aksidente, mapatta patta a 12 meters manipud nakapasamakan ti aksidente ti nakaipurwakan ti traysikel ken dagiti biktima.
Dead on arrival iti senior citizen iti nakaiturongan-na a pribado nga ospital bayat a matamtaming dagiti dua pay a biktima.
