LA UNION – Tiniliw dagiti kameng ti pulisya ti 1,400 a violators kadagiti iti napalabas a 24 oras.
Nakumpiskar ti P5.3-Million a gatad ti iligal a droga kabayatan ti dua nga anti-illegal drug operations nga inganwat ti Police Regional Office (PRO)-1 iti napalabas a 24 oras, manipud 6:00AM ti April 12 aginggat 6:00AM ti April 13, 2024.
Maibasar iti Daily Accomplishment Report ti PRO-1, manipud iti dua nga operasion, maysa nga indibidual ti nakemmeng bayat a nakumpiskar ti dua a gramo ti shabu ken naparot ken nauram ti 26,700 piraso ti fully grown marijuana plants nga addaan iti nagtipon a balor a P5,353,600.00
Iti met kampania kontra kadagiti wanted persons, 19 a tattao ti nakemmeng manipud iti nagduduma a paset ti Region 1.
Natiliw met ti 1,425 a tattao a naglabsing kadagiti lokal nga ordinansa ken napatawanda iti nagtipon a multa a P537,500.00
Saan met a nakalibas kadagiti pannakabagi ti linteg ti 54 nga indibidual a naglabsing iti Land Transportation and Traffic Code wenno ti Republic Act 4136 ken namultada iti P47,500.00
