Agtaltalinaed a layos ti agingga 141 a siyudad ken munisipalidad ti Cagayan kalpasan dagiti nagsaruno a Bagyong Nika ken Ofel.
Maibasar iti datos ti National Disaster Risk Reduction and Management Counci (NDRRMC), kaaduan kadagiti flooded areas ket masarakan idiay Alcala, Amulung, Lal-lo, Lasam, Gonzaga, Tuao, Camalaniugan, Dammang Sur, Dammang Norte, Apari, Solana, Tuguegarao ken Ballesteros.
Layos pay ti sumagmamano nga paset ti Isabela kas iti Burgos, Cabatuan, Delfin Albano, Quirino, Roxas, San Manuel, San Mateo ken San Pablo.
Nasurok 28,000 nga indibidwal ti agdama nga agtaltalinaed kadagiti 392 evacuation centers idiay Cagayan.
Iti agdama ket saan latta a malasatan ti 64 a kalsada ken 51 a rangtay iti Region 2.
Deretso met iti trabaho dagiti kameng ti DPWH iti panangisayangkat kadagiti clearing operations tapno madalananen dagiti kalsada ken maipadanonen dagiti tulong kadagiti apektado a biktima.
