As of 12:00 a.m. (May 10, 2022) dagitoy iti ili a nakakumpleton ti bilang dagiti nai-transmit nga election returns iti Comelec, base iti partial, unofficial results.
Idiay ili ti Aringay, nangabak ni Benjamin Sibuma babaen ti botos a 19,142 kontra iti 4,195 votes a nagun-od ti kalaban na a ni Jackie Chan. Nangabak met kas bise-mayor ni Ma. Isabel Diaz babaen iti botos a 13,817 kontra kenni Ramsey Mangaoang a nakagun-od ti 12,315 votes.
Idiay ili ti Burgos, nangabak ni Delfin Comedis Jr. babaen ti 3,122 votes kontra kenni Robert Madarang Jr. a nakagun-od ti 2,619 votes. Iti nangabak a bise-mayor, ni Annie Patinglag a nakaala ti 3,083 a botos kontra iti 2,522 a botos a nagun-od ni Isidro delos Reyes.
Idiay ili ti San Juan, nangabak a mayor iti incumbent a ni Arturo Valdriz a nakagun-od ti 19,837 votes kontra kenni Apolonia Villareal a nakagun-od ti 976 votes. Nangabak met a bise-mayor ni Mannix Ortega a nakagunod ti 17,191 votes.
