LA UNION – Inaklon ni Vice President Sara Duterte nga ikonkonsidera ti ama na a ni sigud a Presidente Rodrigo Duterte a tumaray kas senador.
Ngem malaksid iti sigud a presidente, agkandidato pay kas senador da Davao City 1st District Rep. Paolo “Polong” Duterte ken Davao City Mayor Sebastian “Baste” Duterte.
Maipalagip nga immunan nga imbaga ti sigud a presidente idi 2021 a plano na ti tumaray idiay Senado, kagiddan ti tarigagay na a maurnos ti anyaman a parikot iti partido dagitoy.
Kabayatanna, kinumpirma ni VP Sara Duterte nga agsag-sagana dan para iti 2028 presidential elections, ket ni Mayor Baste iti mapis-pisel da a kumandidato iti kina-president idinto nga isuna ket plano na ti agsubli iti local politics kas mayor idiay Davao City.
