LA UNION – Nagbalinen nga operational dagiti nasurok 20 a unit ti modernized public utility jeep ditoy probinsiya ti La Union nangrugi idi Biyernes, Abril 22 .
Kagiddan iti panagbiyahe dagiti aganay 22 units iti 32-seater modernized jeepneys, iti panangipaay ti La Union Transport Multi-Purpose Cooperative wenno LUTRAMPCO iti LIBRENG SAKAY kadagiti amin a commuters/pasaheros, saan laeng a makalawas, ngem ketdi agingga bulan ti Hunyo.
Iti ruta pay laeng dagiti nasao a moderno a jeep ket San Fernando City to Naguilian and vice versa.
Maisupadi kadagiti tradisyunal a dyip, iti modernized PUJ ket airconditioned, nalawa, ken addaan iti sumagmamano a high tech features.
Iti eksklusibo a pannakiuman ti Bombo Radyo La Union kenni Albert Catbagan, Board of Director ti La Union Transport Multi-Purpose Cooperative wenno LUTRAMPCO, kinuna na nga adda met laeng iti dadduma a ruta a pagtarayan wenno pagpasadaan iti modernized jeepney, ngem adda pay laeng iti proseso.
Kabayatanna, segun kenni Catbagan, P11 iti plete dagiti pasaheros para iti umuna nga 4 a kilometro inton pormalen nga agpasada dagiti modernized jeepney.
Naamwan a pormal a naiyuswat iti programa kadagiti baro a modernized jeepneys idiay Barangay Baccuit Norte, Bauang, La Union babaen iti panangidaulo ti Department of Transportation (DOTr) ken Land Transportation Franchising and Regulatory Board (LTFRB).
Segun kenni Catbagan, pormal a nai-turnover ti umuna a bansada iti baro a modern jeepneys iti LUTRAMPCO.
Daytoy ket paset iti modernization program nga iti sidong ti agdama nga administrasyon.
