LA UNION – Umabot ti 50 a kilo ti basura iti naurnong dagiti nakipaset iti Coastal Clean Up Activity nga inawagan da ti Scubasurero idiay Barangay Quirino, Bacnotan, La Union.
Iti nasao nga aktibidad ket indaulwan ti Provincial Government of La Union, ken nakipasetan pay ti Provincial Environment and Natural Resources Office, empleyado ti Bacnotan LGU, Bantay Dagat, barangay officials ken sumagmamano a bumaranggay iti coastal areas.
Daytoy ket paset iti pannakarambak ti ‘Month of the Ocean’ ken tarigagay ti aktibidad a maipakaammo ti tunggal maysa dagiti negatibo nga epekto ti panagibelleng ti basura iti kabaybayan ket napateg a pagtalinaeden a nadalaus iti kadanuman.
Kaadwan a klase ti basura a nakolekta ket plastic wrapper, plastic bag, pet bottles ken dadduma pay.
