LA UNION – Naideklara a dead-on-arrival iti maysa a pribado nga ospital iti maysa nga ubing a lalaki, a nalmes iti kabaybayan idiay Barangay Urbiztondo, San Juan, La Union.
Napasamak ti insidente, agarop ala 1:00 idi malem kalman.
Maibasar iti report ti San Juan Police Station, iti biktima ket managan Argie Gerodiaz Jr. agtawen ti walo, residente ti Barangay Abut, City of San Fernando, La Union.
Iti inisyal nga imbestigasyon dagiti otoridad, maipagarop a naitugot laeng ti ubing babaen kadagiti nataengan a nagturong iti nasao a kabaybayan.
Iti biktima ken tallo pay a menor dead a kakadwana ket nagdidigos iti kabaybayan idi maipagarop a kellaat nga ingguyod ti napigsa a dalluyon iti biktima.
Nagpukaw daytoy ti 10 a minuto agingga a nabirokan dagiti nagresponde a surfers.
Pinadas da nga i-revive iti biktima ket inturong da iti ospital ditoy siyudad, ngem naideklara a dead-on-arrival.
