LA UNION – Bimmisita ni President Marcos idiay WesCom headquarters makalawas kalpasan ti panang-atakar ti China Coast Guard iti puwersa ti Pilipinas a nangisayangkat ti rotation and reprovisioning (RORE) mission iti BRP Sierra Madre idiay Ayungin Shoal idiay WPS idi Hunyo 17.
Pinadayawan ti Presidente dagiti 80 a suldado a nakapadas ti kinaranggas iti China Coast Guard .
Siniguro na nga iti likudan daytoy, iti intero a pagilian ket ikar-kararag na iti kinatalged ken ballaygi dagitoy.
Impaay ni President Marcos iti Order of Lapu-Lapu Rank of Kampilan kenni Seaman First Class Underwater Operator Jeffrey Facundo, iti suldado a naputdan ti ramay ken Order of Lapu-Lapu Rank of Kamagi kadagiti 79 a dadduma a kameng ti militar a nakipaset iti misyon.
Inallokoy ni Marcos dagiti suldado nga itultuloy iti pagrebbengan da a panangidepensa ti pagiliaN.
Siniguro na nga agtultuloy iti panangipaay ti gobyerno iti kasapolan ken pagimbagan dagitoy agraman pamilya da.
