LA UNION – Naideklara a regular holiday iti intero a pagilian iti June 17 kas pananglagip ti Eid’l Adha wenno Feast of Sacrifice dagiti Muslim.
Pinirmaan ni Executive Sec. Lucas Bersamin iti Proclamation No. 579 idi June 4 ket nakailanad a ti Eid’l Adha ket maysa kadagiti dua nga Islamic holiday a lagipen kada tawen.
Base iti proklamasyon, inrekomenda ti National Commission on Muslim Filipinos a maideklara a national holiday iti June 17 maiyannurot iti 1445 Hijrah Islamic Lunar Calendar.
Iti Eid’l Adha ket maysa a Muslim festival a mangmarka ti panagleppas ti tinawen a pilgrimate idiay Mecca ken pananglagip iti sakripisyo nga impamatmat ti propeta a ni Abraham.
