LA UNION – Sinuspinde ni Manila Archbishop Cardinal Jose Advincula ni Fr. Alfonso Valeza, iti padi idiay St Joseph Parish, Tondo Manila gapu iti maipagarop a nagbalin a susik da kenni Novaliches Bishop Antonio Tobias.
Maibasar iti statement ni Cardinal Advincula, ni Fr. Valeza ket suspendido pay laeng iti panangimaton kadagiti priestly activities gapu iti ‘persistent defiance’ kontra iti arsobispo ti Manila.
Kabayatanna, temporaryo a sumukat iti parokya ni Fr. Reginald Malicdem.
Immunan nga imbaga ni CBCP spokesperson Fr. Jerome Secillano a naaddaan laeng ti saan a panagkinnaawatan da Father Alfonso Valeza ken Novaliches Bishop Antonio Tobias.
Iti nasao nga isyu ket nagbalin a topiko ken linaun kadagiti diskusyon iti naduma-duma a forum iti internet, banag nga immani ti nagduduma a reaksyon.
