Nagpanawagan ti Department of Social Welfare and Development (DSWD) ti kanayunan a volunteers tapno agsagana kadagiti relief goods a maiwaras kadagiti naapektaran ti panag-alburoto ti Bulkang Kanlaon.
Segun iti DSWD, adda ti agingga 12,000 a pamilya wenno katupag ti 48,000 nga indibidwal ti naapektaran ti nga adda itan kadagiti evacuation centers ti Negros Occidental ken Kanlaon City.
Ti nasao a bilang ket manipud kadagiti 28 a barangay nga apektado iti nagduduma a lugar.
Kinuna ni Social Welfare Assistant Secretary Irene Dumlao a manipud idi nagbettak iti Bulkang Kanlaon ket nangiwaras dan iti tulong kas iti taraon ken tulong pinansyal.
Nainget ti kooperasyon da kadagiti local government unit ti lugar tapno madagdagos a maipadanon ti tulong.
