BR LA UNION – Arestado iti high-value individual ti illegal drugs trade iti insayangkat a buy bust operation dagiti otoridad idiay Bacnotan, La Union.
Naipatungpal ti operasyon babaen iti nagtipon a puwersa dagiti otoridad iti panangidaulo ti La Union Provincial Drug Enforcement Unit ken Bacnotan MPS, idiay Barangay San Martin, Bacnotan.
Nagresulta daytoy iti pannaka-arestar ti maysa a 38-anyos a lalaki, residente ti nasao met laeng a lugar.
Nakumpiskar manipud iti suspek ti tallo a plastic sachet a naglaun ti maipagarop a shabu, mapatta-patta nga agdagsen ti 2 gramo, ken addaan ti standard drug price a P13,600.
Nakumpiskar pay dagiti otoridad ti sumagmamano a pidaso ti non-drug evidence.
Iti suspek ket sumangsango ita ti kaso a panaglabsing iti RA 9165 wenno Comprehensive Dangerous Drugs Act of 2002.
