Inruaren ti Holy See Press Office dagiti detalye para ti pannakaitabon ni Pope Francis inton aldaw ti Sabado, Abril 26.
Kas maiyannurot iti maudi a kiddaw ti pimmusay a Santo Papa, maitabon isuna sadiay Papal Basilica of Saint Mary Major.
Idauloan ni His Eminence Cardinal Kevin Joseph Farrell, agserserbi kas Camerlengo ti Holy Roman Church, iti funeral rites para iti maudi a paginanaan ni Pope Francis.
Dumar-ay iti tabon dagiti nangangato a cardinal kas isuda Cardinal Giovanni Battista Re, Dean ng College of Cardinals; Cardinal Roger Michael Mahony, Cardinal Presbyter; Cardinal Dominique Mamberti, Cardinal Protodeacon; sigud a Secretary of State Cardinal Pietro Parolin, ken dadduma pay. Naimbitaran pay iti tabon dagiti amin nga Sekretaryo ti Holy Father.
Iti mismo nga aldaw ti punpon, maisayangkat nga umuna iti maysa a funeral Holy Mass sakbay a maiturong ti bagi ti Santo Papa iti maudi a paginanaan na.
Nupay innem nga aldaw laengen manipud iti pimmusay ni Pope Francis agingga iti naan-anay a pannakaitabon na inton aldaw ti Sabado, suroten latta ti simbaan dagiti siyam nga agsasaruno nga aldaw iti panagladingit nu sadino ket tunggal aldaw ket maaddaan iti espesyal a misa para iti Santo Papa.
Kabayatanna, agbalin met a silulukat ti publiko iti tunggal Eucharistic celebration.
