Natay ti maysa a residente ti Marikina City kabayatan ti panagpila na idiay Marikina City Sports Center para iti panagiwaras ti ayuda.
Segun kenni Marikina City Police Public Information Office, natalimudaw ti bente-anyos a ni Engin Basco gapo iti pudot ken kinaado ti tao iti lugar. Naitaray isuna sadiay Amang Rodriguez Memorial Medical Center.
Gaksang-gasat, kalpasan ti 49 a minutos ket indeklara ti attending physician na a ni Basco ket pimmusayen. Segun iti ospital, natural death ti nakatayanna ken awan iti puot nan idi naitaray daitoy iti ospital.
Kabayattana, pagaropen met ti kabsat na a posible a na-suffocate daitoy gapo iti nakaro a pudot ken ti panagtitipon dagiti ado a tattao. Innayon na pay nga alas-nuebe paylaeng ti bigat ket nakapilan ti kabsat na para iti namnamaen na nga ayuda.
Iti sabali a bangir, kiniddaw metten ti Marikina City Police iti biang ti organizer seknan ti panangiwaras ti nasao nga ayuda ngem awan pay ti sungbat daitoy.
