BR LA UNION – Saan nga umanamong ni Presidente Ferdinand Marcos Jr. iti naduktalan ti komite ni Senador Imee Marcos mainaig iti pannakatiliw ni dati a Presidente Rodrigo Duterte ken pannakaisuko na idiay International Criminal Court.
Iti ambush interview idiay Silang, Cavite, kinuna ni Presidente Marcos nga adda bukod a opinion ti tunggal maysa iti nasao nga isyu.
Maibasar iti immuna a report ti Senate Committee on Foreign Relations, impaganetget ni Senador Imee nga adda politikal a motibo ti pannakatiliw ni Duterte.
Inrekomendar pay ti komite ti pannakaipila ti kaso idiay Ombudsman kontra iti sumagmamano nga opisial ti gobierno, pakairamanan da DOJ Secretary Boying Remulla, DILG Secretary Jonvic Remulla, PNP Chief General Rommel Marbil, PNP-CIDG Chief General Nicolas Torre, ken special envoy Markus Lacanilao.
