Sumangsango ti kaso a graft ken plunder ni Sarangani Governor Rogelio Pacquiao kalpasan a nakaawat ti Office of the Ombudsman ti pormal a reklamo idi Miyerkules mainaig ti maanomalya a procurement contracts nga aggatad ti nasurok P167 million.
Impila ti Task Force Kasanag (TFK), maysa a civil society watchdog group, iti reklamo.
Segun kenni John Chiong, manibagi ti TFK, nangrugi ti imbestigasyon kalpasan ti maysa a tip manipud ti concerned citizen idi Enero, agdama a tawen.
Agparparang iti ebidensiya nga imet da ti overpricing ken kinakurang ti feasibility study, nangruna kadagiti nagatang a 145 Honda XRM motorcycles, a tig-P99,950 ti kada unit.
Karaman pay ti mapagduaduaan a transaksyon ti panaggatang kadagiti uppat a Komatsu D65EX-16 bulldozers nga aggatad ti P119.99-M ken hydraulic excavators nga aggatad ti P47.99-M.
Maibasar ti reklamo, maak-akusaran ni Governor Pacquiao ti panagusar ti posisyon na tapno matungpal dagitoy a transaksyon a panaglabsing ti Republic Act No. 7080 wenno Plunder Law, nu sadino ket lagpas ti P50-M a takaw a baknang.
Kabayatanna, awan pay met ti sungbat manipud kenni Governor Pacquiao kadagiti alegasyon bayat nga agtultuloy paylaeng ti proseso ti kaso.
