Nagtitipon dagiti grupo ti babbai sadiay Saint Peter’s Basilica ken nangpartuat da ti ‘pink smoke’ tapno ipeksa ti pannakadismaya da ti karbengan da nga agbalin a paset ti Simbaan.
Segun kenni Miriam Duignan manipud Wijngaards Institute, spokesperson dagiti protestador, inwaragawag na kadagiti Cardinal a saan da a mabalin nga ilaksid ti kagudwa ti populasyon a managkararag met laeng, tapno agdesisyon ti masangbayan ti Iglesia Katolika.
Nagpanawagan pay ti grupo iti panagbalbaliw, laksid ti palpak nga inaramid ni Duignan idi tawen 2011 kasaruno ti panagpilit na a sumrek iti Vatican tapno personal nga ipadanon ti petisyon na.
Kinunada a dagiti babbai ket napateg ti akem na idi iti Simbaan sakbay pay iti reporma ti medieval a nangpapigsa met ti bileg dagiti lallak.
Nupay kasta, agingga ita ket saan latta a mapalpalubosan a maordinaran dagiti babbai, uray pay adu kadakuada ti nangangato ti natuirpos da iti pastoral ken panaiskwela.
Kabayayatann, adda met dagiti addang idi ti pimmusay a ni Pope Francis para ti panangited ti nangato nga akem dagiti babbai iti Simbaan kas iti panangimbitar kadakuada iti Synod ken panangadal kadagiti posibilidad ti panagbalin a diakonesa — ngem agtaltalinaed a nakaserra latta ti arwangan para ti ordinasyon da kas padi.
Para kadagiti aktibista, daitoy ket saan laeng nga isyu ti representasyon nu di ket hustisya ken moralidad.
