BR LA UNION – Inaprubaran ti Land Transportation Franchising and Regulatory Board (LTFRB) iti special permits para iti pakabuklan nga 829 units ti public utility vehicles (PUVs) para iti panagdopodop dagiti pasahero nga agawid ken agturong kadagiti polling precincts tapno agbotos inton Lunes, Mayo 12.
Segun kenni LTFRB Chair Teofilo Guadiz III, manipud iti 880 nga aplikasyon para iti special permits, 829 ditoy iti naaprubaran.
Ti nasao nga special permits ket valid manipud idi kalman, Mayo 9 agingga Mayo 18 ti agdama a tawen.
Inlawlawag ti LTFRB chief a babaen iti panag-isyu ti special permits kadagiti nasao a PUV units mabalin a pumasada dagiti pampubliko a lugan kadagiti ruta malaksid pay iti awtorisado a ruta tapno maserbisyuan iti ad-adu pay a commuters inton aldaw ti eleksiyon.
