Tumul-tulong iti Philippine Retirement Authority (PRA) a sapolen ti naisina nga ama ni Duchess of Sussex Meghan Markle kasaruno iti rimuar a ladawan na iti internet a mangipakpakita a magmagna daytoy iti maysa a kalsada idiay Cebu.
Segun iti PRA, nabilin ti Cebu office nga idaulwan ti imbestigasyon wenno panagsapol.
Maibasar iti naudi nga impormasyon, ni Thomas Markle Sr. ket agab-abang iti maysa a simple nga apartment idiay Cebu a bay-bayadan na ti agingga £500 (wenno 38,500 pesos) kada bulan.
Ay-aywanan isuna ti 58-anyos nga anak na a ni Thomas Markle Jr.
Segun iti PRA, naaramid na nga i-beripika ti sigud a lokasyon ti ag-ama, maysa a requirement para kadagiti foreign retirees iti sidong ti Special Resident Retiree’s Visa (SRRV) program dito pagilian.
Nupay kasta, maipagarop a saan a nag-apply dagiti dua ti Retirement Visa ditoy pagilian.
Segun kenni PRA general manager at CEO Roberto Zozobrado, iti agdama awan pay ti impormasyon iti ahensiya seknan iti lokasyon ti ag-ama isunga binilin na iti Cebu office tapno sapolen ti lokasyon dagitoy ken idiaya ti Special Resident Retiree’s Visa kadakuada.
Iti SRRV ket maysa a non-immigrant visa a mangted-dalan kadagiti gangannaet nga agtalinaed ditoy Pilipinas bayat a maipapaayan da ti multiple-entry privilege.
Iti sidong daytoy ket mabalin da a ma-access iti healthcare program ken dadduma pay a government service ken mapalubosan da pay nga ag-invest.
Idi bulan ti Enero ket na-inerview ti maysa nga international news organization ni Thomas Sr. ket naibaga na iti tarigagay na nga agtalinaed iti Southeast Asia tapno magun-od iti tar-tarigagayanna a naulimek a biag manipud iti inawaganna a ‘drama’.
Kinuna na nga itan nga agtawen isuna ti otsenta (80y/o) ket panawenen tapno agsapol ti mas naulimek a lugar, ket napilina iti Southeast Asia gaputi naurnos a medical care ken nababa pay ti gastos, nasingpet pay ken na-respeto kunana dagiti tattao kadagiti nataengan.
Siguden a saan a napintas iti relasyon da Thomas Sr. ken Meghan sakbay pay a naki-kallaysa ni Meghan kenni Prince Harry ken nagbalin a Duchess.
Segun kenni Thomas Sr., saan metten a kasar-sarita isuna ti anak na, ken saanna pay a nakasarita iti dua nga apo na nga isuda Prince Archie ken Princess Lilibet.
