Pinaglibakan ti Department of Education (DepEd) ti agwarwaras a post ti social media a nagkuna nga adda ti kanayunan a Grade 13 para ti senior high school mangrugi iti School Year 2025–2026.
Dinakamat ti DepEd ti maysa a Facebook post nga addaan ti peke a publication material a nakailanad nga adda iti baro a lebel ti senior high school. Inlawlawag ti ahensya a ti senior high school ket agtalinaed latta iti Grade 11 ken Grade 12.
Impalagip ti DepEd iti publiko nga adalen nga umuna ken liklikan ti mangibinglay kadagiti saan nga umiso nga impormasyon.
Para met kadagiti opsiyal a damag, bisitaen laeng ti DepEd Philippines official social media accounts.
Kabayatanna, naisubli metten iti pre-pandemic school calendar iti panagserrek ti klase mangrugi inton sumaruno a school year – Hunyo 16, 2025 nga ageppas agingga Marso 31, 2026, kas maiyannurot ti DepEd Order No. 12, Series of 2025.
