BR LA UNION – Nainget ti ipat-patungpal ita a manhunt operation dagiti otoridad idiay Minnesota kalpasan ti napasamak a pammaltog iti dua a mammanday linteg a nakatayan ti maysa idi agsapa ti Sabado, oras idiay Estados Unidos.
Iti insidente ket inawagan ni Governor Tim Walz nga “act of targeted political violence”.
Natay iti pammaltog idiay Brooklyn Park, iti siyudad nga asideg idiay Minneapolis, ni Democrat Representative Melissa Hortman, 55-anyos, karaman ti asawa na.
Nadun-dunor met ni Democrat Senator John Hoffman, 60-anyos, agraman asawa na kalpasan a napaltogan dagitoy ti namin-adu a daras iti mismo a pagtaengan da, aganay 15km (nine miles) manipud iti immuna nga insidente idiay Brooklyn Park.
Dagus a naipasidong iti surgerty ni Hoffman ken adda itan iti stable condition.
Kabayatanna, iti suspek a nagpammarang a police officer, ket nabigbig iti nagan a Vance Luther Boelter, 57-anyos.
Umabot ti $50,000 iti naipatong ti ulo na kas reward para iti siasinuman a makatulong iti pannaka-arestar daytoy.
