BR LA UNION – Inaklon ti maysa nga empleyado ti maysa a bus company a nakabase ditoy siyudad ti San Fernando, a nakapsot pay laeng ti biyahe laksid a naglukaten ti klase kadagiti pampubliko a pagadalan.
Segun kenni Onesimo M. Macaso, Officer in Charge ti Viron Transportation, kinuna na a bassit pay laeng iti mapas-pasadaan da gaputa kaaduan kadagiti estudyante ket kaykayat da ti aglugan ti dyip ken traysikel.
Nupay kasta, namnamaen da a pumigsa ti panagpasada dagiti bus inton sumrek metten iti pagadalan dagiti estudyante iti kolehiyo.
Kabayatanna, siniguro ni Macaso iti seguridad dagiti pasaheros kabayatan ti biyahe.
Kinuna na nga adda sur-suruten dagiti drivers nga speed limit ken maipapaayan dagiti bus crew iti umiso nga inana ken turog tapno maliklikan iti anyaman a disgrasya iti kalsada.
