BR LA UNION – Immandar ni Presidente Ferdinand Marcos Jr. kadagiti maseknan iti mas naun-uneg nga imbestigasyon seknan iti maipagarop a pannakatay dagiti sabungero.
Segun kenni Palace Press Officer USec. Claire Castro kayat a maamwan ti Presidente nu siasino dagiti pudno a karaman tapno mapagsungbat ken maipaayan ti hustisya dagiti biktima ken naulila a pamilya.
Iti agdama, agtultuloy ti imbestigasyon iti nasao a kaso, isunga urayen ti resulta ti imbestigasyon nga isay-sayangkat ti Department of Justice.
Tinakderan met ni Castro a mamati ti Malakanyang iti integridad ti korte ken marisot ti kaso a maiyannurot iti linteg wenno rule of law.
