Nagpanawagan ni Senador Alan Peter Cayetano iti gobierno a kiddawen iti International Criminal Court (ICC) iti temporario a panangwayawaya kenni sigud a Presidente Rodrigo Duterte ken maipasidong iti “house arrest” bayat a maur-uray iti naikeddeng a panagusig.
Iti impila a resolusyon ni Cayetano, nakailanad a rumbeng a palubusan iti temporario a panakawayawaya ti 80-anyos a ni Duterte kas maibasar kadagiti humanitarian grounds.
Rumbeng kunana a maipaayan ti karbengan a maawagan nga inosente iti sigud a presidente agingana mapaneknekan nga isuna ket nagbasol kas maibasar metten iti linteg ti Pilipinas ken iti international.
Maisa kadagiti singasing ti resolusyon ket iti panakikoordinar iti ICC tapno maiyalis ni Duterte iti Philippine Embassy idiay The Hague, Netherlands, ken maipasidong ti maisa a klase ti house arrest, modified house arrest, wenno aniaman nga arrangement a maiyannatup iti desisyon ti korte.
Kasapulan met a suruten dagitoy nga arrangements iti aniaman a kondisyon a mabalin nga ipataw ti Pre-Trial Chamber, kas dagiti limitasyon iti panaggaraw, panagtalinaed iti maisa a partikular a pagtaengan, panangiparit ti komunikasyon kadagiti biktima wenno kadagiti witness, ken panangsurot kadagiti palagip ti korte.
Nadakamat met iti resolusyon iti kumarkaro a salun-at ni Duterte gapo iti edad ken kinabayag na nga agmaymaysa partikular iti pisikal ken emosyonal a kasasaad daytoy.
Impanawagan pay ti Senador ti asi ken madagdagos nga aksion para iti panangipaay kenni Duterte ti gundaway a makadua iti pamilya ken gagayyem na kadagiti maudi a tawen na.
Daytoy nga addang ket maysa a simple a panangipamatmat ti panagdayaw ken iti panangimot ti daytoy ket maysa a klase ti kinaawan ti hustisia.
Maipalagip nga uppat a bulanen nga adda iti kustodiya ti ICC ni Duterte kalpasan nga arestaren ti Interpol idi Marso 11, 2025 iti panagawid na manipud pagilian a Hongkong.
Naarestar isuna maibasar iti maisa nga ICC arrest warrent gapo iti crimes against humanity ken dagos a naiturong idiay The Hague, Netherlands. #
