Kinumpirmar ti National Bureau of Investigation (NBI) a nagmatch iti fingerprint a naala iti water bottle nga adda iti uneg ti lugan ti napapatay a TNVS driver a ni Raymond Cabrera iti maysa kadagiti tallo a suspek a i Jin Armin De Ocampo.
Maibasar iti autopsy report, dua a daras a nabagsol iti makinkatigid a paset ti barukong ni Cabrera idiay Parañaque idi Mayo, a nangigapo ti panakatay na.
Maipalagip a boluntaryo a simmuko dagiti tallo a suspek, pakairamanan ni De Ocampo, kenni Manila Mayor Isko Moreno idi Hulyo 10 ken dagos a naiturn-over iti NBI.
Kalpasanna ket imbutaktak da kadagiti otoridad iti lokasyon ti bangkay ti biktima.
Segun kenni Atty. Joseph Martin ti NBI, maipagarop nga iti umuna a plano dagiti suspek ken i-hijack iti TNVS vehicle tapno maaramat a mangala ti kabarwan a pasahero a mabalin da nga holdapen, ngem saan dan nga intuloy iti nasao a plano kalpasan a matapay da iti driver.
Kabayatanna, kenuna ni Dr. Romel Papa ti NBI Forensic Division,naisayangkat iti DNA analysis iti uneg ti lugan ken kadagiti kabagyan ni Cabrera, a nagresulta ti 99.99% match.
Segun met kenni NBI spokesperson Ferdinand Lavin, nangrugin iti preliminary investigation mainaig iti kaso a robbery with homicide para kadagiti suspek.#
