BR LA UNION – Natay ti siyam a tattao a pakairamanan ti maysa a padi, iti napasamak a panagdidinnungpar iti tallo a behikulo idi parbangon ti Sabado, Hulyo 19, iti national Highway idiay Barangay San Pedro‑San Pablo, Aurora, Isabela.
Dagiti karaman iti aksidente ket dua a pampasahero a van ken maysa a 6-wheeler truck.
Maibasar iti inisyal nga imbestigasyon dagiti otoridad, agtur-turong ti truck iti abagatan a direksiyon wenno idiay Santiago City, Isabela idi maipagarop nga inagaw na iti linya ti kasinnabat na a van nga agturong idiay Tabuk, Kalinga manipud Baguio City .
Kas resulta, nagdinnungpar ti truck ken van, ken simmalpot pay ti van iti sumarsaruno met laeng kenkuana a passenger van.
Iti nagmaneho ti 6-wheeler truck, bearing plate no. CBA 4017 , ket nabigbig iti nagan nga October De Leon, legal age, residente ti Brgy. San Antonio Minit, Echague, Isabela.
Iti nagmaneho ti puraw a passenger van, bearing plate no. DBY3744, ket ni Ron Ron Onalan, of legal age, residente ti Brgy. Danao Lacnog, Tabuk City, Kalinga.
Iti nagmaneho ti silver passenger van, with plate number NID 2665, ket ni Oseas Calderon , of legal age, residente ti Brgy. Bulo, Tabuk City, Kalinga.
Maibasar iti report, kaadwan kadagiti natay ket dagiti nakalugan iti silver van a sumarsaruno iti puraw a van a direkta a nakadinnungpar ti truck.
Naideklara a dead-on-arrival iti driver ti silver van a ni Calderon babaen kenni Dr. Ramuel C. Miranda ti Manuel A. Roxas District Hospital (MARDH).
Dadduma pay a natay a biktima iti aksidente:
(dead-on-arrival)
Niches Heizle Cagayongan (Tabuk City)
Claribel Maling (Turod Bulo, Tabuk City)
Reymundo Benson Rumbawa (Camalog, Pinukpuk, Kalinga)
Lorenzo Tagpao (Minagbag, Quezon, Isabela)
Emilio Vergara (Military Cut-off, Baguio City)
Jennefer Rumbawa (Camalog, Pinukpuk, Kalinga)
Jorenda Waacon (Centro, Lubuagan, Kalinga)
Kabayatanna, maysa ti nailista a natay a pasahero manipud iti puraw a van.
Maipagarop a pimmusay bayat a maag-agasan iti Family Clinic idiay Cabatuan ni Reverend Victor Mangulian Jr., 33-anyos a padi.
Indeklara a natay ti attending physician a ni Dr. Divine Grace Maluyo agarop alas 3:40 am idi Sabado, July 19.
Kabayatanna, iti truck driver ket agtaltalinaed iti custodiya ti Isabela Police para iti umno a disposisyon.
