BR LA UNION – Inyarig ni Baguio City Mayor Benjamin Magalong dagiti flood control projects ti gobyerno, nga inaramid a livelihood program dagiti kusit nga opisyal ti gobyerno kadwa da dagiti contractors.
Iti interview ti Bombo Radyo kenni Mayor Magalong, kinuna na nga anticipated dagiti nasao a proyekto nga adda palpak na wenno substandard, ngem saan da a pagarupen iti kinakaru ti mapas-pasamak a korapsiyon kadagiti nasao a proyekto.
Direkta nga imbaga ni Mayor Magalong, nga awan ti nakita da a public service nudiket pagkuwartaan laeng iti pinanunot ken inaramid dagiti conspirator.
Kinuna na nga awan ti naurnos a proyekto, bin-ig a kalokwan ti inaramid dagiti nagkikinnutsabo.
Imbaga na pay nga awan ti inaramid dagiti tattao a maka-ammo ti nasao a sistema, nagbalin da a naulimek ken nagatang da iti kuwarta.
Nabiit pay a naglosolos ni Mayor Magalong kas special adviser ti Independent Commission for Infrastructure (ICI) nga agim-imbestigar iti anomalya dagiti flood control projects.
