BR LA UNION – Inarestar dagiti otoridad iti uppat nga indibiduwal gaputi illegal gambling partikular ti “tong-its”.
Iti insayangkat nga illegal gambling operation dagiti kameng ti City of San Fernando Police Station idiay Brgy. Ilocanos Sur idi malem ti Oktubre 14, nagresulta daytoy iti pannakatiliw dagiti uppat a suspek; a pakaibilangan ti tallo a lalaki nga agtawen ti 43, 33, 37, ken maysa a babai nga agtawen ti 25, agpapada a residente ti nasao a barangay.
Kinumpiskar pay dagiti otoridad iti nadakamat nga operasyon dagiti sumaganad: maysa (1) a set ti playing cards (54 pcs); ken bet money nga agdagup ti 687 pesos iti nadumaduma a denominasyon.
Nairekord ti operasyon babaen ti Alternative Recording Device, naiturong dagiti suspek iti city health and wellness center para iti medical examination ken naidatag iti kuerpo ti pulisiya para ti umno a dokumentasyon ken naiyiswan da ti citation tickets.
