BR LA UNION – Pinatawan ti contempt ti Senate Committee on Agriculture, Food, and Agrarian Reform iti tallo a tattao gaputi panagulbod da seknan iti imbestigasyon iti agricultural smuggling.
Nabigbig dagitoy nga isuda Erwin Pascual, owner ti EPCB Consumer Goods Training; Andrew Calixihan, Bureau of Customs Deputy Collector for Asssessment idiay Port of Subic; ken ni Mary Anabelle Gubaton, Customs Operations Officer III idiay Port of Subic.
Segun kenni Pascual, in-rehistro na ti negosyo na iti nagan ti kaanakan na a ni Dexter Sonza Juala a maysa a delivery food rider.
Ngem rimwar iti imbestigasyon ni Senate committee chairperson Francis “Kiko” Pangilinan a saan a broker ni Juala, isunga nalawag nga agul-ulbod ni Pascual.
Ni met Calixihan ket na-cite for comtempt gapu iti agsusupadi a waragawag na seknan iti tallo a truck a nangibiyahe kadagiti produkto manipud Subic idi Hunyo 27 nga immuna a naideklara kas chicken poppers ngem ti linaun dagitoy ket sibuyas ken frozen mackerel.
Saan met nga inawat ti komite iti palawag ni Gubaton a maipagarop a saan na a nakasarita iti siasinuman a mangibag-bagi iti Department of Agriculture ket iti binagaanna a mangisayangkat ti panagamiris ket mangibagbagi ti consignee.
Dagiti tallo ket temporaryo nga adda ita iti kustodiya ti Senado agingga a makapagsumite dagitoy ti baro nga affidavits.
Immuna a na-cite in cotempt ni Lujin Ramos Tenero a maysa a broker gaputi panagulbod na bayat a ti maysa pay a broker a ni Brenda de Sagun ket pinalubosan ni Pangilinan a makarwar tapno makakalap ti impormasyon iti managan Mr. Vicente a nang-kontak kenkuana para iti panagangkat dagiti produkto.
