BR LA UNION – Pimmusayen ti maysa kadagiti mararaem unay a kameng ti royal family idiay Thailand, ni Queen Mother Sirikit iti edad a 93.
Segun iti opisyal nga statement manipud Royal Household Bureau, ni Sirikit nga ina ni King Maha Vajiralongkorn, ket pimmusay idi Oktubre 23, 2025 idiay Siriraj Hospital idiay Bangkok.
Ni Sirikit ket am-ammo kas kapautan a nagserbi a consort iti pakasaritaan ti Thailand, ken maysa a kangrunaan a nangitandudo iti sining wenno arts, kultura, ken pagimbagan dagiti babbai ti nasao a pagilian.
Nagserbi a reyna idi 1950 kalpasan ti kallaysa da kenni King Bhumibol Adulyadej, ken nagserbi pay a Queen Regent idi 1956.
Bayat ti panagturayna, aktibo a nakipaset kadagiti aktibidad ti komunidad ken internasyunal a pannakabagi ti monarkiya.
Nangipeksa ti pannakipagladingit dagiti lider ken umili idiay Thailand kas panang-respeto kadagiti naitulong a pagimbagan ti pagilian.
