Nakitaripnong ni Presidente Marcos Jr. ti Copenhagen Infrastructure Partners (CIP) idiay Malacañang tapno talantanen iti $3-B investment para iti clean energy ditoy Pilipinas.
Segun ti Copenhagen Infrastructure Partners, pinili da iti pagilian gapo ti strategic location ken iti suporta ti Marcos administration iti renewable energy.
Impasdek da kadua ti ACEN ti Ayala Group iti umuna nga offshore wind farm idiay Camarines Sur.
Ti nasao nga investment ket ebidensia ti dakkel a panagtalek dagiti foreign investors iti potensial ti pagilian iti enerhiya ken ekonomiya.
Namnamaen a makatulong dagiti proyekto ti Copenhagen Infrastructure Partners iti panangipaay ti rinibo a trabaho , panang-suplay ti kuryente para kadagiti minilyon a pagtaengan, ken panangkissay ti carbon emissions.
Tarigagay ti gobierno a manayonan iti renewable energy ti power mix iti pagilian ti 35% inton 2030 ken 50% inton 2040.
Pinaregta ni Presidente Marcos iti pribado a sektor nga ag-invest ti renewable energy tapno maikkan solusyon iti ngumatngato a pagkasapulan ti kuryente ken makaipaay ti nalinis nga enerhiya kadagiti konsyumer.###
