Impasigurado ti Office of the Ombudsman nga agtultuloy nga ipamaysada dagiti kaso mainaig kadagiti maanomalya a flood control projects ti gobierno.
Imbinglay ni Assistant Ombudsman Mico F. Clavano a mangnamnama iti publiko a saanda a baybay-an iti isyu ken sigurado nga awan ti aniaman a pagbutngan, ken paboran dagiti kaso a maipilpila wenno dagiti imbestigasion mainaig iti flood control scandal.
Dagiti nadakamat a waragawag ket kasaruno ti pormal a panangipila ti Office of the Ombudsman iti Sandiganbayan ti nagtutuon a kaso kontra kadagiti umagmamano nga opisial a nairaman iti kontrobersia.
Kinasuan da ni sigud nga AKO Bicol party-list representative a Zaldy Co, dagiti opisial ti Department of Public Works and Highways, ken board of directors ti Sunwest Corporation mainaig iti maanomalia a idiay Naujan, Oriental Mindoro.
Immuna iti nasao a kaso gapu ta immuna met naisubmitir wenno inpila ti Independent Commission for Infrastructure iti Ombudsman, ngem manamnama met nga adda pay dagiti sumaruno maipila.
Dagiti kaso nga inpila ti Ombudsman kontra ken ni sigud a Congressman Zaldy Co ken dadduma pay ket ti Malversation of Public Funds through Falsification of Public Documents, ken panaglabsing iti Section 3e ti Republic Act 3019 wenno Anti-Graft and Corrupt Practices Act.
Napilaan pay ti naisina a kaso ni Co a pananglabsing iti Section 3(b) ti RA 3019 gapu iti panangawat iti ‘unwarranted financial’ wenno ‘pecuniary benefits’. #
