Nangidanon ti simpatiya ni Taiwan President Lai Ching-te kadagiti biktima ken ti pamiliana mainaig ti napasamak a metro attack idiay Taipei.
Segun kadagiti otoridad, maysa a 27-anyos iti suspek iti nangimula ti smoke bombs iti kangrunaan a metro station iti lugar sakbay nga insayangkat iti pammagsol.
Kalpasan iti nakaam-ames a krimen, nagpakamatay iti nasao a suspek.
Tallo nga indibidual iti pimmusay iti insidente: maysa iti kangrunaan nga istasion, maysa iti underground ti district market, ken maysa iti metro shop.
Saan pay a masigurado dagiti otoridad iti motibo ti suspek.
Simmarungkar mismo ni President Lai iti nakapasamakan ti insidente ken inkari nga ibutaktak iti pudno a makagapu ti pasamak, kasta met iti transparency iti imbestigasion tapno masigurado iti hustisia para kadagiti biktima.#
