BR LA UNION – Namnamaen ti Bangko Sentral ng Pilipinas (BSP) a mailista ti inflation ita a bulan ti Disyembre 2025 iti baetan ti 1.2 ken 2.0 porsyento.
Ti inflation iti nasao a period ket mabalin nga agtaud iti panagngato ti presyo dagiti kangrunaan a taraon gaputi nagbalin nga epekto ti dakes a panawen ken napigsa a demand tunggal paskua, kasta metten iti panagngato ti presyo ti liquified petroleum gas wenno LPG ken gasolina.
Mabalin a makissayan ti epekto dagitoy iti mas nababa a singir iti kuryente kadagiti lugar nga ipapaayan ti serbisyo ti Meralco ken bimmaba a presyo ti kerosene ken diesel.
Agtultuloy a banbantayan ti bangko sentral ng pilipinas dagiti paspasamak lokal ken sangalubongan nga addaan epekto ti inflation ken panagdur-as iti ekonomiya, maiyannurot iti allagaden ti pagkuwartaan a nakasadag iti datos.
