Impaganetget ni Pope Leo XIV nga iti pagimbagan dagiti umili ti Venezuela iti rumbeng nga agpannuray kalpasan a mapapanaw iti presidente ti pagilian a ni Nicolas Maduro iti operasion nga insayangkat ti Estados Unidos.
Kalpasan iti kararag ti Angelus idiay St. Peter’s Square, kenuna ti kaunaan nga American Ope a kasapulan nga unaen iti pagsayaatan ti Venezuela a nasursurok iti aniaman nga interest wenno konsiderasion.
Segun kenni Pope Leao, iti panangiyalis ti bileg ti pagilian ken rumbang a manglukat ti dalan nga agturong iti panaggibos ti kinaranggas ken panangitandudo iti hustisia ken kinakappi.
Impaganetgetna met iti kinapateg ti panangraem iti soberanya ti Venezuela, panangipatungpal iti agdama a linteg ken konstitusion, ken panangsalaknib kadagiti natauan ken sibil a kalintegan ti tunggal umili.
Indagadag met ti Santo Papa iti nagtitipon a panagtignay tapno mangbangon iti maysa a natalna ken natalged a masakbayan para iti pagilian, nga addaan iti naisangsangayan a panagsungbat kadagiti napanglaw a kangrunaan a naapektaran iti nakaro a krisis ti ekonomia.
Iti statement ti Papa ket naaramid maysa nga aldaw kalpasan a naarestar ni Maduro idiay Caracas babaen ti US Special Forces.
Kenuna met ni US President Donald Trump nga idauluan ti Washington iti Venezuela ken usarenna dagiti reserba a langis ti pagilian.###
