BR LA UNION – Mabalin a mabukel ti maysa a low pressure area (LPA) iti abagatan-a-daya ti Mindanao ita nga aldaw ti Lunes, Enero 12 ken sumrek iti Philippine Area of Responsibility (PAR) inton bigat, Enero 13.
Posible a pumigsa daytoy kas tropical depression inton Huwebes, Enero 15 ken maawagan a bagyo “Ada.”
Namnamaen nga agtalinaed iti daya ti Eastern Visayas agingga Biyernes.
Inton weekend, mabalin nga agtalinaed latta iti daya ti Bicol wenno bumallasiw idiay Southern Luzon, sakbay nga agkurba pa-amianan-a-daya idiay Central Luzon bayat a maki-interact iti Shear Line.
Ngem awan pay ti sigurado nu anya ti agbalin a garaw daytoy nangruna inton weekend.
Kabayatanna, agtultuloy a makaapektar ti Amihan iti Northern ken Central Luzon, bayat a ti Shear Line ket mangigubway ti kalalainganna agingga napigsa a panagtudo idiay Cagayan Valley ken Aurora.
Mangrugi inton Huwebes, posible a makapadas ti mawaras-waras a panagtudo idiay Caraga ken Eastern Visayas, ken idiay Bicol ken Visayas inton Biyernes.
